MEMBER LOGIN





P18 nga umento di makadaut sa negusyo

from December 2, 2019 01:00 am to December 2, 2019 01:00 am

 https://www.sunstar.com.ph/article/1834323

MATAWAG ba kaha og pinaskuhan ang P18 nga umento sa minimum nga sweldo sa mga mamumuo nga giaprobahan sa Regional Tripartite Wages and Productivity Board (RTWPB)? Gihulagway kini sa Associated Labor Union (ALU) nga gamay ra, sama ra og sensilyo.

Ang P18 nga umento resulta sa gidebatihan nga umento. Ang labor groups nangayog labing minos P300 matag adlaw nga umento sa minimum nga suholan apan, ubos ra kaayo ang nauyonan nga P18 kay 6 porsyento ra ni sa ilang gipangayo.

Panahon na nga umentohan ang sweldo tungod kay nagsige og saka ang mga palaliton ug uban pang mga gastuhanan, sama sa bayad sa eskwelahan, abangan ug uban pa. Mao gani ni ang rason nga kadaghanan sa mga mamumuo mapugos na lang sa pagpang loan sa loan sharks.

Maayo na lang nga wa nay buhis nga gikuha ang kagamhanan sa mga nagsweldo og P20,000 matag buwan ug paubos. Kay kon kuhaan pag buhis, samot makaubo ang pobreng mamumuo nga ang gisaligan mao ra ang inadlaw nga kita.

Mikisi-kisi ang pipila ka mga negusyante kay alang nila, lain na usab kini nga palas-unon sa ilang negusyo ang labing uwahi nga umento. Naandan na kini nila nga estorya basta naay mga umento.

Sa pagkatinuod, sagad sa hinungdan sa pagkadaut sa usa ka negusyo di ang sweldo sa mga trabahante kon di, nihinay ang halin nga nakaapekto sa kita sa negusyo. Naa say uban nga nag-antos sa pagsaka sa presyo sa raw materials.

Mas dagko ni og epekto sa mga negusyo kon itandi sa pagsaka sa minimum nga sweldo. Kapila na man nahitabo nga napugos sa pagpanangtang og mga tawo ug nanira ang negusyo tungod sa paghinay sa negusyo, pagsaka sa materyales ug uban pa.

Sa produksyon man gud, ang sweldo sa usa ka mamumuo gamay lang nga porsyento sa gasto.